Freedom Holding Corp. — ամերիկյան հրապարակային ընկերություն գրանցված ԱՄՆ-ի Նևադա նահանգում։
Ընկերությունը ցուցակում է անցել 2019 թվականին Nasdaq հարթակում, բաժնետոմսերը առևտրի ենթակա են FRHC հապավմամբ։
Հոլդինգը իր գործունեությունը ծավալում է Հայաստանում, Ղազախստանում, Ուզբեկստանում, Ղրղզստանում, Ուկրաինայում, Գերմանիայում, ԱՄՆ-ում, Մեծ Բրիտանիայում, Կիպրոսում, Հունաստանում, Իսպանիայում, Ֆրանսիայում, ԱՄԷ-ում։
Հոլդինգը հրապարակում է հաշվետվություններ համաձայն US GAAP-ի ստանդարտների։ Ընկերության հասույթը 2022 թվականի երկրորդ եռամսյակում 2021 թվականի երրորդ եռամսյակի համեմատ աճել է 349%-ով` $70 միլիոնից հասնելով $313 միլիոնի։
Freedom Holding Corp. 2020 թվականի դեկտեմբերի 18-ին ստացել է իր մշտական անդամակցության դիմումի հավանություն Ֆինանսական հաստատությունների գործունեությունը կարգավորող գործակալության (FINRA) կողմից և ձեռք է բերել Prime Executions Inc. (ԱՄՆ, Դելավեր նահանգ) բրոքեր-դիլերային ընկերությունը, գրանցված ԱՄՆ-ի արժեթղթերի հանձնաժողովի (SEC) կողմից և հանդիսանում է Նյու Յորքի ֆոնդային բորսայի (NYSE), ինչպես նաև NASDAQ, FINRA և SIPC անդամ։ Freedom-ի և Prime-ի առևտրի ընդհանուր ծավալը ԱՄՆ-ի բորսաներում 2020 թվականի դեկտեմբերին կազմել է 1,07 միլիարդ բաժնետոմս։
Դեկտեմբերին MSCI-ը ընդգրկել է Freedom Holding Corp.-ը MSCI U.S. Small Cap 1750 և MSCI U.S. Investable Market 2500 ինդեքսներում։ 2022 թվականի մարտին S&P Global Ratings միջազգային վարկանիշային գործակալությունը հոլդինգի ղազախստանյան և կիպրոսյան ընկերություններին տրամադրել է В- վարկանիշը։
Freedom Finance Europe-ը 2021 թվականի հոկտեմբերին դարձել է միջազգային առաջատար արժեթղթերի կենտրոնական դեպոզիտարիա Euroclear-ի անդամ, ինչը թույլ է տալիս ընկերությանը ընդարձակել գործառնական և քլիրինգային ծառայությունները Freedom Finance Europe-ի հաճախորդների համար Եվրոպայի, Միացյալ Թագավորության և ԱՄՆ-ի շուկաներում։
